Poslovne vijesti - Makedonija

Бензинот и дизелот поскапуваат за 1,5 денари

Малопродажните цени на бензините на дизелот се зголемуваат ноќеска на полноќ за 1,5 денари, додека екстралесното поскапува за два денари.

Вака во понеделникот одлучи Регулаторната комисија за енергетика на редованта седница посветена на корекција на цените на нафтените деривати

Согласно одлуката литар еуросупер БС-95 ќе се продава по цена од 78 денари, новата цена на литар еуросупер БС-98 изнесува 80 денари, додека дизелот ќе може да се добие за 70 денари за литар.

Малопродажната цена на Екстра лесното масло за домаќинство (ЕЛ-1) изнесува 59,00 ден/лит.

Регулаторите одлучија да ја зголемат и цената на мазутот за 1,289 ден/кг, со што новата цена на М-1 НС изнесува 41,092 денари за еден килограм.

Просечната цена на сурова нафта на светскиот пазар во изминатиот 14-то дневен период е за 4,24  отсто повисока од просечната цена по која беа формирани тековните цени на нафтените деривати, се вели во образложението.

Курсот на денарот во однос на доларот во изминатиот 14-то дневен период изнесуваше беше за 0,30 отсто понизок.